Оқушы-Ұстаз-Ата-ана

Оқушы-Ұстаз-Ата-ана
Мақсаты:
Ұстаз, ата-ана және оқушылар арасындағы психо-педагогикалық ынтымақтастықты дамыту. Ата-аналардың мектеппен әлеуметтік байланысын нығайту, ұстаздың оқушымен тығыз байланыста болуын ұйымдастыру. Баланың дамуына, жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату;
Ата-ананың бала өміріндегі орны мен рөлі туралы ой түрткі салу, өз баласын жақсы тану, көмек және кеңес беру мақсатында ата-аналардың педагогикалық-психологиялық білімін көтеру;
Баланың бойындағы жағымды қасиеттерді дамытып, жағымсыз қасиеттерден арылуға, ата-анамен қарым-қатынасын жақсартуға көмектесу;
Кеш 7 бөлімнен тұрады:
1.Таныстыру «Өрмекшінің торы».
2.«Сабақ оқығым келмейді» видеоролик (пікірін тыңдау)
3.«Ой жинақтау» (жаңа бағдарлама бойынша постер қорғау)
4.«Сөз тапқанға қолқа жоқ» жағдаяттарды шешу.
5.«Үй-Ағаш-Адам» әдістемесі (суретін салу)
6.«Жылы сөз-жанға шипа» (мінез ерекшеліктерін айту)
7.«Жүректен жүрекке»
Ата-аналар, оқушылар, ұстаздар өздерінің бойындағы қасиеттерін «өрмекші торы» арқылы айтып өтті. Видеоролик көрсетіп пікірлерін тыңдадық. Жаңа бағдаламаға байланысты постер қорғады. Ситуациялық сұрақтар қойылды, одан шығудың жолдарын айтты. «Үй-Ағаш-Адам» әдістемесі қолданып, сурет салды. Суретке талдау жасалды. Бір-бірінің мінез ерекшеліктерін айтты. Түрлі түсті жүрекшелер таңдау арқылы адам қандай қасиетке тән екені айтылды.
Барлық қатысушылар бар ынталарымен қатысып, тренингім көңілді өтті.